作者：1q2w3e

       首先，我冇用到一毫港紙，但我係一開始就決定要走極品路線。
      揀刀鬥嘅一個原因係我$唔多，玩呢職可能會比較慳錢，血厚防高，升LV會慳D藥費！之所以話極品路線係我嘅刀客從一開始屬性點我就全部加咗筋骨！咁我同其他同級職業嚟比嘅話，攻擊力明顯會高D！但係後尾我發現自己錯嗮，我嘅思路係根據以前玩D非回合遊戲得來嘅經驗，但係唔適合回合制GAME，刀鬥一味加筋骨嘅話，簡直垃圾！

      因為咁樣加法，你會發現你嘅速度相當之慢，每個回合都俾對手先打，蝕底死啦，仲唔快用一金去師門洗點，180多點，我將速度加到550左右，其它全筋骨，呢次雖然少咗三百幾功，但係我話呢知肯定物超所值！呢隻GAME賺錢唔難，但是人唔多，相對黎講就覺得賺錢慢咗，我會話俾大家知幾個賺錢嘅路數：

      第一，到五行一打鬼魂換boss牌，得到嘅裝備可以賣錢，後期賣唔到幾個錢就去拎去拆分，得到嘅寶石都幾值錢下。
      第二，採集，得到嘅材料都可以賣錢！三級一粒鐘可以賺7金左右！
      第三，跑標，全跑可以賺兩金幾！
      第四，做師門，得到嘅藍色裝可以賣兩金到三金！
      第五，多打boss，有機率得到藍色極品裝，一件好幾金最少！我身上幾十金，係服務器排名前二十以內，廿金在哩隻GAME一眨眼就可以用嗮，學技能嘅錢太貴了，我將技能升到37級就stop，主要精力擺係裝備上邊，依家我嘅裝備35級藍色套裝，全四星，武器41級綠色五星！飾品五星！

      48刀鬥8500血，2300功，3400物防！早期我仲係建議大家先升級，D裝備搞好點，升LV同做任務可以輕鬆好多噶。
    講住咁多先！希望多D朋友仔一齊玩，隻GAME總體黎講算不錯gua！大家都唔好成日吵官方，玩遊戲唔係攞氣受噶嘛 ，係未？